
遍知贝玛嘎波大师教言集PK61བཅོམ་ལྡན་སྙིང་རྗེ་མའི་འགྲེལ་པ་པཎྜཱི་ཏ་འཇིགས་མེད་གྲགས་པས་རང་འགྲེལ་དུ་མཛད་པ་བཞུགས་སོ།།
10-116
༄༅། །བཅོམ་ལྡན་སྙིང་རྗེ་མའི་འགྲེལ་པ་པཎྜཱི་ཏ་འཇིགས་མེད་གྲགས་པས་རང་འགྲེལ་དུ་མཛད་པ་བཞུགས་སོ།།
༄༅། །བཅོམ་ལྡན་སྙིང་རྗེ་མའི་འགྲེལ་པ་པཎྜཱི་ཏ་འཇིགས་མེད་གྲགས་པས་རང་འགྲེལ་དུ་མཛད་པ་བཞུགས་སོ།།
བླ་མ་སངས་རྒྱས་བྱང་སེམས་ཚོགས། །ཀུན་ལ་གུས་པས་ཕྱག་འཚལ་ལོ། །ཉིད་ཀྱི་རྣམ་ཐར་གསོལ་འདེབས་ཀྱི། །འབྲེལ་པ་ཅུང་ཟད་བྲི་བར་བྱ། །འདི་ལ་དོན་གསུམ་སྟེ། འགྲོ་བའི་དོན་མཛད་པ་པོ་ངོས་
གཟུང་བ། དེས་འགྲོ་དོན་ཇི་ལྟར་མཛད་ཚུལ། བརྩམས་པའི་དགེ་བ་བྱང་ཆུབ་ཏུ་བསྔོ་བའོ། །དང་པོ་ནི། བཅོམ་ལྡན་སྙིང་རྗེའི་གཏེར་ཆེན་སྤྱན་རས་གཟིགས། །ཞེས་པ་སྟེ། བཅོམ་ལྡན་སྙིང་རྗེ་གསུམ་གྱི་གཏེར་
ཆེན་པོར་གྱུར་པ་འཕགས་པ་སྤྱན་རས་གཟིགས་དེ་ཉིད་དོ།། །། གཉིས་པ་ནི། སྤྱིར་འཇིག་རྟེན་གྱི་ཁམས་མཐའ་ཡས་པར་འགྲོ་བའི་དོན་དཔག་ཏུ་མེད་པ་མཛད། བྱེ་བྲག་ཏུ་འཛམ་གླིང་འདིར་འགྲོ་བའི་དོན་
མཛད་ཚུལ་གཙོ་ཆེ་བ་ནི་གཉིས་ཏེ། འཕགས་ཡུལ་དང་བོད་ཡུལ་དུ་མཛད་ཚུལ་ལོ། །དང་པོ་ནི། འཕགས་པའི་ཡུལ་དུ་པཎ་ཆེན་ནཱ་རོ་པ། །ཞེས་པ་སྟེ། རྒྱ་གར་འཕགས་པའི་ཡུལ་དུ་གདུལ་བྱའི་
དཔལ་དུ་གྱུར་པ་བྲམ་ཟེའི་རིགས་རུས་ཕུན་སུམ་ཚོགས་པ་ལ། དཔལ་ལྡན་ནའོ་པོ་ཞེས་བྱ་བར་སྐུ་སྤྲུལ་ནས། བསྟན་པ་དང་འགྲོ་བའི་དོན་དཔག་ཏུ་མེདཔ་མཇེད་དོ། །གཉིས་པ་ནི། ཁ་བཅན་འདིར་འགྲོ་མགོན་འབྲུག་པ་ཞེས། །
10-117
སྤྲུལ་པས་བསྟན་པ་འཛིན་དེར་ཕྱག་འཚལ་ལོ། །ཞེས་པ་སྟེ། ཁ་བ་ཅན་འདིར་འགྲོ་བའི་མགོན་པོ་འབྲུག་པའི་ཆོས་བརྒྱུད་འཛིན་པར་སྤལ་པ་ཡང་གཉིས་ཏེ། སྐུ་ཚེ་སྔོན་མ་དང་འདི་ཉིད་ལ་སཱལ་
པས་བསྟན་པ་འཛིན་ཚུལ་ལོ། །དང་པོ་ནི་། འགྲོ་མགོན་གཙང་པ་རྒྱ་རས་པ་དང་རྒྱལ་དབང་རྗེ་དང་། འཇམ་དབྱངས་ཆོས་ཀྱི་གྲགས་པ་ལ་སོགས་པར་སྐུ་སྤྲུལ་ནས་འགྲོ་དོན་མཛད་པ་མདོ་ཙམ་མོ། །
གཉིས་པ་སངས་རྒྱས་ཀྱི་བསྟན་པ་ལ་རབ་ཏུ་བྱུང་ཚུལ། ཐོས་བསམ་སྒོམ་གསུམ་སྦྱང་ཚུལ། ད་ལྟའི་ཆོས་ཀྱི་འབྲེལ་པ་བཞག་ཚུལ། འབྲེལ་ཚད་དོན་དང་ལྡན་ཚུལ། འཆད་རྩོད་རྩོམ་གསུམ་ལ་འགྲན་ཟླ་དང་
བྲལ་ཚུལ། གདུལ་བྱ་དང་འཚམས་པར་ཆོས་གསུངས་པས་གདུལ་བྱ་སྨིན་ཚུལ་དང་དྲུག་གོ། དང་པོ་ནི། དད་དང་སྙིང་རྗེའི་དབང་སོང་ངེས་འབྱུང་གིས། །འཕགས་པ་དགྱེས་པའི་ཚུལ་ཁྲིམས་ལེགས་སྤྱད་ནས། །འདོད་ལ་
སྲེད་པའི་སེམས་ནི་རིང་དུ་བསྐྲད། །བརྟུལ་ཞུགས་འགྲན་ཟླ་མེད་དེར་ཕྱག་འཚལ་ལོ། །ཞེས་པ་སྟེ། ཕྱག་འཚལ་གང་ལ་ན། བརྟུལ་ཞུགསའགྲན་ཟླ་མེད་པ་དེ་ལའོ། །གང་གི་སྒོ་ནས། དད་པ་དང་སྙིང་རྗེའི་
དབང་དུ་སོན་པས་ངེས་འབྱུང་གི་སྒོ་ནས་སོ། །འཕགས་པ་དགྱེས་པའི་ཚུལ་ཁྲིམས་སོ་སོ་ཐར་པ་དང་། བྱང་སེམས་དང་། རིག་པ་འཛིན་པའི་སྡོམ་པ་གསུམ་ལེགས་པར་སྤྱད་ནས། འདོད་པོའི་ཡོན་ཏན་ལ་སྤྱོད་པའི་སེམས་རིང་དུ་སྤངས་པའི་སྒོ་ནས་སོ། །
10-118
གཉིས་པ་ནི། གཙུག་ལག་གཞུང་ལུགས་ཇི་སྙེད་ཁོང་དུ་ཆུད། ། ཤིན་ཏུ་སྦྱངས་པས་བླང་དོར་ཀུན་ལ་མཁས། །མཉམ་གཞག་དྲི་མེད་བློ་ཡིས་མངོན་སུམ་གཟིགས། །ཐོས་བསམ་སྒོམ་པ་མཐར་སོན་དར་ཕྱག་འཚལ། །ཞེས་
པ་སྟེ། ཐོས་བསམ་སྒོམ་གསུམ་མཐར་ཕྱིན་པར་གྱུར་ཏོ། །མདོ་རྒྱུད་གཙུག་ལག་གི་གཞུང་ལུགས་ཇི་སྙེད་ཡོད་པ། ཁོང་དུ་ཆུད་པའི་ཐོས་པ་དང་། གསུང་རབ་ལ་ཤིན་ཏུ་སྦྱངས་པས་བླང་དོར་ལ་མཁས་
པར་གྱུར་པས། མཉམ་གཞག་ཉོན་མོངས་ཀྱི་དྲི་མ་མེད་པ་བློའི་མངོན་སུམ་དུ་གཟིགས་པ་མཐར་ཕྱིན་ཏོ། །གསུམ་པ་ནི། ཐུབ་བསྟན་དྲིམ་མེད་པ་བདུད་རྩིའི་ཆུས། །འགྲོ་བའི་རྨོངས་པ་མཐའ་དག་བཀྲས་བྱསནས། །
བློ་གྲོས་རིན་ཆེན་རྒྱན་ཚོགས་སྲིན་མཛད་བའི། །མི་ཕམ་པོད་དཀར་པོ་དར་ཕྱག་འཚེལ། །ཞེས་པ་སྟེ། དམ་པའི་ཆོས་ཀྱི་བདང་རྩིས་སྟོད་ལྡན་གྱི་འགྲོ་བའི་མརིག་པ་བསལ་ཏེ། ཤསརབསྟེ་བའི་ཕྱིར་རོ། །བཞི་
པོ་ནི། ཁྱོད་ཀྱིས་སྲིད་ཞི་མཉམ་པར་མཁྱེན་པའི་མཐུས། །དད་པས་བརྟེན་ན་མཆོག་གི་དངོས་གྲུབ་འབྱུང་། །གནོད་པ་བགྱིས་ཀྱང་ཕན་བདེའི་རྒྱར་འགྱུར་བོའི། །འབུལ་ཚད་དོན་དང་ལྡན་དེར་ཕྱག་འཚལ་ལོ། །ཞེས་པ་
སྟེ། བཟང་ངོན་གང་དང་འབྲེལ་ཡང་དོན་དང་ལྡན་ཏེ། སྲིདཞི་མཉམ་ཉིད་ཀྱི་སྦྱོར་བམངའ་བས། དད་པས་བརྟེན་པ་སོགས་བཟང་འབྲེལ་ལྟ་ཅི་སྨོས། ངན་འབྲེལ་གྱིས་ཀྱང་ཕན་བདེའི་རྒྱུར་འགྱུར་བའི་ཕྱིར་རོ། །ལྔ་པ་ནི། 
10-119
འཆད་ན་ལེགས་བཤད་བྱེ་བའི་སྒོ་འབྱེདཅིང་། །རྩོད་ན་ཕས་ཀྱི་རྒོལ་བ་མ་ལུས་འཇོམས། །རྩོམ་ན་ཐུབ་པའི་དགོངས་པ་ཐོགས་མེད་འགོད། །ཕྱོགས་ལས་རྣམ་པར་རྒྱལ་བ་དེར་ཕྱག་འཚལ། །ཞེས་པ་སྟེ། ཕྱོགས་ལས་
རྣམ་པར་རྒྱལ་བར་གྱུར་ཏེ། །འཆད་པ་དང་རྩོད་པ་དང་རྩོམ་པ་ལ་སོགས་པ་བོད་ཡུལ་ན་འགྲན་ཟླ་མེད་པའི་ཕྱིར་རོ། །དྲུག་པ་ནི། འགྲོ་བའི་རེ་བ་སྐོང་མཛད་དཔག་བསམ་ཤིང་། །རྟག་ཏུ་
ཆོས་སྒྲ་སློག་བྱེད་རྔ་ཆེན་པོ། །བགྲང་ཡས་ཡོན་ཏན་ཀུན་གྱི་རིན་ཆེན་གཏེར། །དཔལ་ལྡན་ངག་དབང་ནོར་བུ་དེར་ཕྱག་འཚལ། །ཞེས་པ་སྟེ། འགྲོ་བའི་རེ་བ་སྐོང་བ་ལ་རྟག་ཏུ་ཆོས་སྒྲ་སྒྲོགས་
པའི་ཕྱིར་རོ། །ཤྭ་ལོ་ཀ་དང་པོ་ནི། ཤེས་བྱ་ཐམས་ཅད་མཁྱེན་ཅིང་བརྩེ་བའི་བདག །སྤྱན་རས་གཟིགས་དབང་དགེ་སློང་ཚུལ་འཟུང་བ། །ཞེས་པ་དང་མཐུན། དེའི་འོག་མ་གཉིས་ནི། ཚུལ་གནས་ཐོས་དང་
བསམ་ལྡན་པས། །བསྒོམ་པ་ལ་ནི་རབ་ཏུ་སྦྱོར། །ཞེས་པ་དང་མཐུན། དེའི་འོག་མ་གཅིག་ནི། འཁོར་ལོ་རིམ་གསུམ་བདུད་རྩིའི་ཆུ་རྒྱུན་གྱིས། །རགས་པ་ཕྲ་བ་ཤིན་ཏུ་ཕྲ་བ་ཡི། །དྲི་མ་གསུམ་
པོ་སྦྱངས་པ་ཆོས་སྐུའི་མཆོག །དྲི་བྲལ་ཡོན་ཏན་སྟོན་མཛད་བླ་མའི་ཞབས་ལ་འདུད། །ཞེས་པ་དང་མཐུན། དེའི་འོག་མ་གཅིག་ནི། ཆོས་རྣམས་རྨི་ལམ་འདྲ་བའི་ཕྱིར། །སྲིད་དང་ཞི་བ་མི་རྟོག་པས། །
10-120
ལས་མེད་ལས་ཡོད་ཀླན་ཀ་ཡིན། །ལན་ནི་ཇི་སྐད་བཤད་པ་ཟད། །ཞེས་པ་དང་མཐུན། དེའི་འོག་མ་གཉིས་ནི། ཕྱོགས་དུས་ཀུན་ཏུ་འབྱུང་བར་སྟོན་ལ་འདུད། །ཞེས་པ་དང་མཐུན་ནོ། །ཕྱོགས་དུས་ཀུན་
ཏུ་འབྱུང་བ་ཞེས་པ་འདི་དང་། ཆོས་རྗེས་གདུང་རབ་བརྒྱད་ཅུ་རྩ་བཞིའི་དགུས། །བླ་མའི་གདུང་འཛིན་བསྟན་པ་རྒྱས་བྱེད་འགྱུར། །ཞེས་སྤྲུལ་པས་བསྟན་པ་འཛིན་པར་ལུང་བསྟན་པ་ནི། །སྐུ་ཚེ་སྔོན་མ་
རྒྱལ་དབང་རྗེ། མ་འོངས་པ་ད་ལྟའི་གདུང་འཛིན་སྤྲུལ་པའི་སྐུ། །ངག་ལ་དབང་ཕྱུག་ཅིང་བདུད་ཚོགས་ཀུན་ལས་རྣམ་པར་རྒྱལ་བ་འདི་གཉིས་པ། ད་དུང་གདུང་རབས་ལ་འབྱོན་པ། བསྟན་པ་ལ་བྱ་
བ་བྱེད་པ་ཤ་སྟག་འབྱུང་བར་འགྱུར་རོ།། །། གསུམ་པ་དགེ་བ་བསྔོ་བ་ནི། དེ་ལྟར་བསྟོད་པའི་དགེ་བ་བསམ་ཡས་ཀྱིས།།སྐྱེ་བ་ཀུན་ཏུ་དཔལ་ལྡན་འབྲུག་པ་ཞེས། །བསྟན་ལས་ཐར་པའི་ལམ་ཀུན་
ལེགས་བགྲོད་དེ། །སེམས་ཅན་ཐམས་ཅད་སྒྲོལ་བའི་བྱེད་པོར་ཤོག །ཅེས་པའི་འབྲེལ་པ་འདི་ནི་དགེ་སློང་པདྨ་དཀར་པོས་རང་འགྲེལ་དུ་མཛད་པའོ།། །།སརྦ་མངྒལཾ།། །།



